نفس جديد .. أنعش قلوبنا ♥

_______

فــي 13 من شوال / 2 أكتوبر .. صرخت !
صرخت كمآ يقال صرخة الحياة الدنيا الأولى ..
صرخة العافيه كما يطلقون عليها بعض الأمهات الكبار ..

.‘

و فــي 14 من شوال / 3 أوكتوبر .. تنفست !
نعم تنفست أوكسجيننآ .. شاركتنا بزفرات ثاني أوكسيدالكربون
التى ما أعذبها منها …♥

حبيبتي .. مررت بها .. صورتها و أرسلت جمالها للجميع .. فما أسعدني بك يا رقيقه
و عند الخروج لم أرضى سوى بــ حملها بل بحمل شرف خروجها للعالم الأوسع ..
و تنازلت عنها مرغمه عند صعودنا للسياره .. و لكن ما إن دخلنا [الكراج]
أسرعت بالنزول لنيل شرف حملها من جديد …. ♥

ليست هي الأولى !! غيرها سته خخخخخخخ
لكن .. هي مختلفه .. حباها ربي حباً مختلفاً من قبل مولدها …
من الشهر الثاني من تخلقها .. عندما مازحت امي بــ كلمت [ يمّه حامل] !!
فـ أمي أكثر من يكره الكرش و لا يطيق معاشرته .. و البروز البسيط كان كافياً لملاحظته من قبلي ذلك اليوم !

دخلت بجميلتي .. و توجهت لمقر أمي الجديد .. فستقضي فترة [النفاس ] ببيتها ..
و الذي سيتحول مع خالص أسفي و [ قرفي ] من [مقلط] أي (غرفة طعام الضيوف )
لــ غرفة تنفيس تعج بــ روائح الحلبه و الخلطات المدري وش يسمّونها :S

.*

كان ردة فعل [محمـد ، أمانـي ، شهـد ] فرحه غير مسبوقه ..

– محمد (الخبل) مو مصدق انها بنت .. و مصر انها ولد !
يقول الأخ أنه [محلم] أن أمي جابت ولد .. يعني هي ولد !!

– أماني .. شاغل بالها وش هالأزرق اللي برجلها ..!
<~ طبعاً الفقش أنا جاهز مره عندي .. قلت انها قعدت [تصيح] أمس بالليل و طقتها أمي بطريقة [الفلكه] خخخخ
<~ علامات تعجب على عدم تصديق !

تكرر السؤال من محمد ..
<~ و مثل ما قلت الفقشه جاهزه عندي .. قلت .. هي أصلن كانت كائن فضائي .. !!
و قلبت وجيهم بتعبير تعجب + قريت بعيونهم [يا بيخك ] 🙂 ♥♥

– أما عن آخر العنقود شهد .. ما جت الا متاخر شوي ..
و طيران بتسلم على أمها الغايبه عنها .. مرت و اول ما شافت البنت على رجلي قالت بغباء..
[ اووووووء وش هذاااااا …( داااااداااااا )… ايييه عرفت امي راحت [تطلعها من بطنها ] و جلست تضضحك بهستيريا !!

<— لي تعليق على راحت تطلعها من بطنها !!
انا يوم بعمرها ما كنت ادري من وين تجي …! و لين ثالث ابتدائي احسبها تشتريها !!
و لين سادس و انا احسبها يا عمري تطلع من السر !! هههههههههه استغفر الله بس
و في المتوسط على بالي يشقون البطن .. يعني كن الدعوى قيصريه بالضبط ..
عاد بعدين عرفت الحقيقه و ربي فتح على قلبي و هداني <<< !!!!!!!!!!!

نرجع لشهووده … جلست تلمسها و تطلع يدها و تفغص بوجهها ..
و امي من جهه ثانيه تهاوش تقول (لبسوها برد عليها ) …..
و للأسف و لا احد عندها .. كلنا لاهييين بالمخلوق ♥♥

الجو ذيك اللحظه كان مليان سعاده و ربي ما شفتنا هالكثر نتشارك بسعاده وحده من فتره طوييييله ..

عساك يا (,,,,,,) فال سعاده و فرحه لنا دووم يارب ..♥

و قبل ما أختم …/ كلكم أجوووكم أرفعـوآ يدكم و قولوا يارب .. ان يحفظها لنا
و يرزق كل محروم من الأطفال بالذريه الصالحه يااارب .

♥♥ نلتقي قرييب … بدأت فعلا اجد لذه بحياتي أدونها ♥♥

___